| Tuesday, Sep 30, 2008 台灣之旅 - Day 4 - 墾丁 
8點幾起身，飛去個窗望下今日既天氣，Thanks God!!! 今日勁好天，雖然暫時未見到陽光，但起碼無落雨麻 再訓多一陣，9點幾起身食早餐 左: Breakfast
右: 食早餐個view  
食飽飽，因為要轉房既關係，所以我地執晒行李，準備捧晒上車(安全理由)，點知個職員又話間房已經ready，所以我地捧返D野返房先，呢間房叫夢幻506，比507無左個按摩池，但係多左個露台  
個浴缸依然咁正   
hea左一陣開始我地今日漫長既旅程，首先去鵝鑾鼻公園&燈塔，由飯店去鵝鑾鼻其實只係15分鐘左右，我瞎中中搵到個地方泊車 
公園   
燈塔  
燈塔附近有間士多仔，裡面有D木造既明信片，我地寄左幾塊比屋企同朋友 
影左一陣相就走人，點知原來發現個正式既停車場係附近，我地miss左，岩岩原來泊左係公園既後門，哈哈~~仲好，宜家唔洗比Parking fee 下一站，船帆石，真係有D似個人頭 
影完相係時候食Lunch，不過食之前要唱錢先，因為我地只係係第一日高雄機場唱左少少錢，渣去恆春個郵局唱錢，呢度唱錢可以算係最平，所以唱左好多 西門 
之後去搵地方食lunch，原本plan左食lunch既地方都無開門，所以我地就求其搵左一間，開頭入去都有D驚，因為得我地兩個人，無其他客，但係食落又幾OK喎 左: 春風
右: 炸芝士雲吞  
食飽飽，繼續我地既旅程，向滿州橋進發，呢段路幾舒服，無咩車，點飛都得 
渣左20幾分鐘就到勒，過橋係要比錢，加上Karen驚.......所以我地影幾張相就算 
 
之後到風吹沙，因為呢到近於海岸，成日都好大風，大風到將海岸既沙都吹到上路面，所以就叫風吹沙勒 
係泊車既地方又影下相，係時候要影下陪左我地兩日既車車   
再去埋隔離既龍磐公園，好靚既景色  
又係喪影相既時候 影呢幾張相個時好攪笑，兩個人每人望一邊睇下有無車黎緊~~都行左幾次先影完   
影到四點幾，差唔多要趕去關山睇日落，劈晒灣咁落山，再飛去關落，好彩都無行錯路，又趕得切上去，不過上到去已經好多人霸晒位 有D可惜係，今日好多雲，個日落唔係太清楚  
個太陽落左一陣，D人就準備走，攞車既攞車，上車既上車，有D快閃黨feel 見6點黎未肚餓，天又已經黑，就諗住去出火玩下，首先唔好諗邪野先，出火其實係恆春一個地方，由於地下天然氣冒出所造成的景觀，只要係凹陷的洞洞點火，火就會冒出黎，平時黎度會有D小販賣下煙花，爆谷 (比你自己煮)，但係今晚唔知點解無喎，仲無咩人黎添，由於環境好黑既關係，我地又唔記得拎電筒，所以拎左個手提黎照明，沿住條樓梯行落去，落到去好似無人喎，Karen話好驚，周圍都黑麻麻，於是佢就捉住我隻手勁拖我返上去停車場，上到車，佢仲未驚完 我問Karen: ''你行落去果時見唔見到有人玩煙花?
Karen: ''我見唔到喎，你唔係見到麻.......快D走啦，附近係墳墓，好驚呀!!!'' 
於是我地就渣返車去食dinner，諗唔到食咩野，所以係7-11買左D叮叮野返飯店食，食飽飽，就出去行墾丁大街，今晚好天，所以周邊D灘檔都有開 泊架車係警局門口先，死未 
左:玩下射波波，Karen射極唔中，我一黎已經王義夫上身，中左兩個，如果我可以用我枝私伙槍就好勒
右: 再黎籃球九宮格  
搵下有咩好食，strongly recommend 下面個炸鮮奶，好香口好好味 
再食埋個芒果鮮奶冰，好味 
人畫佢又畫  
今日好支水，去左好多地方，不過係我黎台灣多日已來最開心既 Monday, Sep 29, 2008 台灣之旅 - Day 3 - 高雄 -> 墾丁 9點幾起身，拿拿食個早餐，就趕住執埋D野 出面天氣仲橫風橫雨，租車公司安排左一架的士係酒店接我地去墾丁 捧晒D行李上車，臨開車前，司機就同我地講，本來車費係每人400蚊台幣，不過要夾其他人一齊搭，但係宜家墾丁打緊風，根本無人會去，所以要我地share返D車費，即係800蚊台幣 聽完即刻O咀，打電話去租車公司理論，我地唔介意同其他人一齊搭，但係墾丁打風你地搵唔到人一齊搭係你地既事，仲問左佢一句: ''墾丁唔係今日第一日先打風麻''，跟住發揮香港人發爛渣既本色，落車拎行李走人，個司機見唔對路，於是就話''好勒好勒，就每人400蚊啦'' 我地就扮晒委屈上車，一路上其實都驚驚地(雖然都有同過司機有講有笑)，唔知佢會唔會車我地去左邊，而且個司機真係渣得好快，逢車過車，話咁快，一個鐘多D就去到墾丁果個租車公司。 攪左少少手續，就揀車，揀左架藍色Suziki Swift渣，貪佢又平又細架，如果我自己一個黎既話，我一定會試下渣綿羊仔，比租車起碼平3分1，又刺激呢 老婆娘好細心拎左成''踏''CD出黎，揀左兩隻CD入去車度，果兩隻CD都係''動力火車''，未到台北已經''忠孝東路走九遍''，聽到訓教都識唱 Check下架車邊度有花之後就開車，第一次渣左軚車既感覺其實同右軚無咩分別，不過去到十字路口都要諗下轉去邊條路線，驚入錯線去左對頭車果邊。第一時間搵油站，因為架車差唔多無油。渣左無幾耐，發現我個導航員(Karen) 唔多可靠，佢渣住地圖都搵唔到油站，於是我就好危險咁一隻手渣地圖，一隻手渣軚盤，一隻眼望地圖，一隻眼望前面條路 好不容易搵到油站，打爆個油缸，油站職員送左8, 9支水比我地，跟住渣返去我地幾期待既南灣飯店 1點左右就可以check-in勒，今晚住既房叫''夢幻507''  
間房都ok大架，最正係佢個幻彩按摩池 
放低行李，又再渣車出去醫下個肚仔先，第一站就係墾丁最出名既小杜包子 左: 門口
右: 芝士包勁香勁重芝士味，煙韌到無朋友  
食飽飽，到下一站就係海洋館 右: 海洋館入口   個水池可以落得去玩水架，我地兩個好似個細路咁係咁玩水  
海洋館內  
行去第二Part，有企鵝睇，好得意呀佢地，行路左搖右擺咁  
行到5點幾，走人，食個dinner先，上網見過一間幾靚既餐廳，渣住車兜左一輪終於係路口搵到間餐廳，間餐廳叫藍色海遇  
左: 特別既餐枱
中: Menu
右: Pasta   
食飽飽，個天都黑晒勒，本來諗住去出火玩煙花，但係個天仲落緊雨，所以就去墾丁大街行下，不過可能天氣唔好，路邊既攤檔都無開，幸好大街兩旁既商店都有開門，Karen就買左條吊帶裙 行完街街，遊車河周圍兜下，渣渣下，Karen訓左，咁岩前面有盞交通燈，仲要著住紅燈，本來係應該要剎車，但係太近勒，(台灣D交通燈掛到勁高)，加上費事剎車整醒Karen，所以就勁危險衝燈。 去到船帆石，睇下星星，爽 
Sunday, Sep 28, 2008 台灣之旅 - Day 2 - 高雄 因為琴日玩得好盡既關係，今朝訓到11點先起身，酒店個早餐都無食 見到出面勁橫風橫雨，我地就諗住去D shopping mall行下 一出酒店去間便利店買件便利雨衣先 
搭捷運去凱旋站轉shuttle bus，一陣就到夢時代shopping mall 呢度有全台灣最大既摩天輪，不過因為颱風，所以無開到 一去到食野先，個food court勁多野食，我地試左一間好有特色既擔仔麵  
之後去左食Mister Donut  
再行左陣，不過無咩特別野行，之後見到長長雪糕，又試下，幾好味 
行到上頂樓，有個類似冒險樂園既野玩下 左: 係台灣周圍都見到籃球機
右: 好難玩既棒球機  
個shopping mall入面有好多好疏乎既sofa 
臨走再買多兩個donuts食 
走個時雨勢都依然咁大，唯有搏一搏去高雄另一個夜市 - 瑞豐夜市食dinner，搭捷運去到巨蛋站，一上到地面，超大雨  
冒住大雨衝去個夜市，可惜一如所料，只得一檔有開門，於是我地搭捷運去美麗島站，再搏一搏去六合夜市食dinner 站如其名既美麗島 
上到去六合夜市，四個字黎形容 - 水靜何飛，諗唔到食咩，唯有返酒店附近買叮叮野食 不得不介紹一下左面既''起司海鮮飯''，可以講係叮叮野裡面最好食既野，超creamy，好香，超好味 
| 
